Er du ikke registrert som bruker av barnehagenmin? Klikk her!
Prøv vår demobarnehage, brukernavn og passord er demo.
Daggry Barnehage
Valderhaug, 6050 Valderøya
Pedagogisk platform/ satningsområder
Daggry barnehage vert driven utfrå Lov om barnehager, Rammeplan, vedtekter og årsplan for barnehagen. Det overordna målet er at barnehagen skal gje barna gode utviklings- og aktivitets-muligheiter i nær forståing og samarbeid med barna sin heim.
Hos oss skal barna få oppleve glede og tryggleik, medan dei tileignar seg basiskompetanse gjennom leik og kvardagsrutiner, slik at dei kan klare seg godt seinare i livet.
I Rammeplanen er det skissert 7 områder som skal dekke det faglege innhaldet i barnehagen; "Kommunikasjon, språk og tekst", "Natur, miljø og teknikk", "Kunst, kultur og kreativitet", "Etikk, religion og filosofi", "Kropp, bevegelse og helse", "Antall, rom og form" og "Nærmiljø og samfunn". (les meir under Årsplan)
Desse områda skal integrerast i emner, leik og kvardagsrutinene i barnehagen. I år skal vi jobbe særskilt med områda "Kommunikasjon, språk og tekst" og "Kropp, bevegelse og helse". Herunder vert det lagt stor vekt på språkutvikling, sansemotorisk stimulering, barns medverknad, utforsking og meistring.
BARNESYN / LÆRINGSSYN PÅ DAGGRY
"SOM EIT KJEDE, SAMAN I GLEDE
INGEN LIKE, MEN ALLE UNIKE!"
•
Alle barn er unike og verdifulle, og skal møtast med respekt
•
Dei har alle rett til å få utvikle seg utfrå eigne evner og føresetnader, individuelt og i samspel med andre
•
Det er viktig med tidleg stimulering av språk og sosialt samspel,
og utviklingsstøtte for god læring og kunnskaps-tileigning heile livet
•
God læring = heilheitleg læring. Det betyr samanheng i læringa frå barnehage til endt skulegang, det
betyr tverrfagleg læring, og det betyr at barn får lære gjennom opplevingar og refleksjon, med heile
kroppen og alle sansane sine.
God læring er avhengig av inspirerande voksne som er gode rollemodeller, og som motiverer til barnet si
lyst til å lære og utforske.
DETTE SKAL BARNA OPPLEVE HOS OSS
* Å kjenne seg elska (visjonen vår; formidle Guds kjærleik)
Oppleve å vere unik og verdifull i vårt fellesskap. Bli sett og høyrt kvar dag.
* Å kunne fungere godt saman med andre mennesker (sosial kompetanse; vennskap, respekt, toleranse, ansvar, problemløysing, empati,.. gjennom opplegget "Steg for steg")
* Humor og glede; korleis dette gir livet verdi
* Tryggleik i eit godt miljø, som er prega av
dei kristne grunnverdiane
* Få gode opplevingar med sang og musikk
* Eit godt læringsmiljø, der læring skjer gjennom leik og sanse-opplevingar. Grunnleggande kompetanse innanfor dei 7 fagområda i rammeplanen.
VISJON og KRISTEN FORMÅLSPARAGRAF
Barnehagen vår har ein utvida kristen formålsparagraf, noko som vil seie at den kristne bodskapen pregar kvardagslivet og haldningane i barnehagen. Barna vil få god kjennskap til dei kristne grunnverdiane, og kristne barnesanger og litteratur vil bli brukt på lik linje med anna stoff som vert presentert for barna.
Med visjonen vår: " Guds kjærleik til barna" , ynskjer vi å formidle Guds kjærleik til menneska, gjennom omsorg, læring og relasjoner i barnehagen.
Satsingsområde:
UTVIKLING av barns SOSIALE KOMPETANSE
Sosial kompetanse: Gjennom det metodiske opplegget "Steg for steg", utgitt av Nasjonalforeningen for folkehelsen, jobber vi med å fremme barns sosiale kompetanse. Opplegget inneheld mange konkrete hjelpemiddel saman med opplæring og veiledning av personalet.
Dette året skal vi jobbe særskilt med LØFT-metoden, som er ein viktig del av det å vere sosialt kompetent.
Å vere sosialt kompetent vil seie å kunne meistre samspel med andre mennesker på ei god og konstruktiv måte. Det å lukkast i møte med sosiale krav, og verte integrert i sosiale miljø, er fundamentet for alt menneskeleg samliv, og det er avgjerande for barnas framtidige liv korleis dei meistrar dette.
Vi vil at kvart barn skal oppleve å vere ein verdifull del av fellesskapet der ein kan både gje og ta, og barnet skal lære grunnleggande verdiar som ansvar, omsorg, respekt, toleranse, empati og kommunikasjon på ulike plan.
LØFT-metoden: (løysingsfokusert tilnærming /arbeidsmetode) er det overordna temaet for både barn og personale. Dette inneber at vi skal bekrefte og synleggjere god atferd istadenfor å ha fokus på det som er negativt, vi skal løfte kvarandre fram og synlegjere gode sider, vi skal fokusere på løysingar der det er problem. Målet er at barnet / mennesket skal bli den beste utgåva av seg sjølv og utvikle god sjølvkjensle. Dette er også utgangspunktet for å bli sosialt kompetent.
SPRÅKSTIMULERING i BARNEHAGEN
Ut frå Rammeplan for barnehagen skal språk og språkutvikling leggast stor vekt på i det pedagogiske innhaldet i barnehagen. Vi oppsummerer her korleis vi jobber med dette i Daggry barnehage.
Progresjonstrapp
Barnehagen jobber med språkstimulering utfrå ei progresjonstrapp, der det kjem fram kva som er karakteristisk for utvikling av språket på dei ulike alderstrinn, og ideer til korleis ein kan jobbe med og stimulere språket til det einskilde barnet, utfrå utvikling og modning.
Førskuleklubb
Vi har samlingar kvar veke med dei barna som skal på skule til hausten. Innhald i desse samlingane er m.a.opplegg som går direkte på språkstimulering; "Språksprell", "Sprusikk", eit særskilt musikkopplegg, skuleretta oppgåver som tek for seg ulike begrep, farge, form, bokstaver, tal osv, høgtlesing frå ei bok, og turdag.
Snakkepakken
Detter er ei samling med språkstimulerande aktivitetsmateriell, som kan brukast i store eller små grupper, ute eller inne.
"Språksprell"
Eit metodisk opplegg med vekt på 4 språklege områder; oppmerksomheit for lyd, rim og regler, stavelsesdeling, og forlydsanalyse.
Innanfor kvart av desse områda er det lagt opp til enkle og kjente leikar, og det er lagt vekt på visualisering og konkreter. (f. eks. kort, dokka "Bøtteknotten" med spannet sitt og ein tøysekopp). Ved å bruke "Språksprell" får barna høve til å utvikle si språklege bevisstheit gjennom morosame aktiviteter, og for barn som ligg i faresona for lese- og skrive-vansker kan den strukturerte og systematiske språkleiken vere avgjerande for å lykkast.
Språksprell vert hos oss i stor grad brukt ute, i skogen eller i fjøra, og vi opplever at naturen ofte er den beste læringsarena i arbeidet med barn.
Språkstimulering gjennom musikk
Eit opplegg som består av 10 musikkstunder, der det gjennomgåande vert lagt stor vekt på rytme og lytteaktiviteter, noko som er grunnleggande både for språkutvikling, og for all musisering.
Eg bruker her i utgangspunktet rim og regler som materiell for å presentere ulike aktiviteter, og gjennom desse verte kjent med element i musikken, som rytme, dynamikk, klang, lyd, tonehøgd, tempo og form. Dei ulike aktivitetane består mykje av sang, leik, drama, rørsle, lytteleikar, bruk av kroppsinstrument og rytmeinstrument, og improvisasjon.
Ved å bruke slike aktiviteter i barnehagen, så stimulerer vi ikkje berre språket, men også den motoriske, sosiale, emosjonelle og intellektuelle utviklinga hos barnet.
Kvardagsrutinene
Alle daglege rutiner i barnehagen er situasjoner der språket vert stimulert. I desse situasjonane når barna kler av/på seg, når dei sit ved matbordet og smør sin eigen mat, når den voksne har eit barn på stellebordet, når vi går på tur, osv, så ligg det godt til rette for samtale og begrepslæring. Her finns alle orda som barna treng i kvardagen sin.
Men for at desse situasjonane skal bli optimale, så krev det mykje av dei voksne i barnehagen. Vi må vere bevisste på kva vi vil lære barna, og vi må vere gode språkmodeller. Her er det viktig å vere "tilstades" når vi kommuniserer med barna, sette ord på ting og snakke med barnet om det vi gjer saman, vere ein god lyttar, vere tydeleg både i kroppsspråk og verbalt språk, og vi må gje opplevingar som gir grunnlag for samtale, nye ord og begrep.
Vi opplever at barna har blitt veldig interessert i å eksperimentere med språket, finne rimord, leike seg med ord, rim og regler, og dette skjer ofte spontant når dei leikar. Då har vi allereie nådd eit viktig mål, og det motiverer også oss voksne til å fortsette arbeidet.
|
 
|