KOMMUNIKASJON, SPRÅK og TEKST

handlar om å tileigne seg det munnlege språket, noko som er av stor betydning tidleg i barns utvikling. Det vekselspelet som foregår i kommunikasjonen, både verbalt og non-verbalt, er ei forutsetning for både språk og sosial kompetanse.

Tekst omfatter skriftlege og munnlege forteljingar, dikt/poesi, rim/regler og sanger. Barnet skal kunne lytte og gje respons i gjensisdig samhandling med andre, utvikle begrepsforståing og variert ordforråd, bruke språket til å uttrykke kjensler, ynskjer, løyse konflikter, og skape positive relasjoner i samver med andre mennesker. Vi ynskjer å gje barna eit positivt forhold til tekst, bileter, tal og bokstaver som ei kjelde til kunnskapar og estetiske opplevingar.

Metode: Stimulere rolleleik, bruke språkleikar, musikk / rytme / lytte-leikar, sang, høgtlesing, samtale, aktivitetsgrupper, førskuleklubb, ulike prosjektarbeid og gje opplevingar

KROPP, BEVEGELSE og HELSE

handlar om å tileigne seg grunnleggande motoriske ferdigheiter og kroppsbeherskelse, og lære å ta vare på kroppen og helsa si. Barn uttrykker seg mykje gjennom kroppen, og første kontakt med omverda starter med kroppsleg aktivitet og sanse-erfaringar.

Barna skal få lære om kva betydning kosthald og god veksling mellom aktivitet og kvile, har for ein sunn kropp .

Metode: Aktiv bruk av natur og nærmiljø, gymsal, stimulerande leikeområde, veksling i barnehagedagen mellom aktiv bruk av kroppen og rolege aktiviteter / kvile, temaarbeid om kroppen, rørslesanger, drama og bevegelse til musikk.

.

KUNST, KULTUR og KREATIVITET

Barn skaper sin eigen kultur ut frå eigne opplevingar. Dei må derfor få høve til å oppleve kunst og kultur, og sjølv få uttrykke seg estetisk. Gjennom slike erfaringar får barn muligheiter til sansing, eksperimentering, skapande erksemd, tenkning og kommunikasjon.

Fagområdet omhandlar billedkunst, kunsthandverk,musikk, dans, drama, språk, litteratur, film, arkitektur og design.

Vi ynskjer at barna skal få styrke sin kulturelle identitet og personlege uttrykk, ta i bruk fantasi og kreativitet, og oppleve skapar-glede og samkjensle med ansre mennesker gjennom dette.

Metode: Stimulere barna til å uttrykke seg gjennom forming, musikk, drama, gje høve til leik og opplevingar i naturen, bruk av naturmaterialer til bileter og kunst, og legge til rette for estetiske opplevingar, teaterbesøk og kulturtilbod.

NATUR, MILJØ og TEKNIKK

handlar om å bli kjent med naturen, det mangfald av opplevingar og aktiviteter som kan finnast der, og at dette kan gje inspirasjon til estetiske uttrykk.

Vi vil prøve å gje barn den første forståing av ei berekraftig utvikling. Dei skal få kjennskap til planter, dyr, landskap, årstider og ver, og utvikle kjærleik til og forståing for naturen, og det samspelet som skjer i naturen, og mellom mennesker og natur.

Metode: Aktiv bruk av skogen og fjøra, faste turdager i all slags ver, fylgje naturen gjennom ulike årstider, temaarbeid, forming med naturmateriale, litteratur, sanger og leikar. Stimulere barns nysgerrigheit på livet i naturen, og inspirere til å bli glade i naturen og ta vare på den.

ETIKK, RELIGION og FILOSOFI

Religion og livssyn legg grunnlaget for etiske normer. Det preger verdier og haldningar, og måtar å oppfatte omverda og andre mennesker på. Det vert lagt vekt på humanistiske verdier, kristen tru og tradisjon, som gjennom århundrer har prega norsk kultur.

Barnehagen skal også reflektere over og respektere mangfoldet av kultur og religionsom finnast i gruppa, samtidig som den etiske rettleiinga skjer ut frå verdiar og tradisjonar i den kristne kulturarven.

Metode: Utvikle respekt, toleranse, og interesse for kvarandre, verdiformidling gjennom barnehagens visjon som skal prege kvardagen og legge til rette for undring, samtale og refleksjon over grunnleggande spørsmål. Samling med tema frå Bibelen eller kristen etikk, legge vekt på høgtidene, kyrkjebesøk, litteratur og barnesanger.

NÆRMILJØ og SAMFUNN

handler om at barn skal få innsikt i og erfaring med deltaking i eit demokratisk samfunn. Medverknad i barnehagens indre miljø er første skritt mot dette målet. Barnehagen skal styrke kunnskap om og tilknytning til lokalsamfunnet, natur, kunst / kutur, arbeidsliv, tradisjoner, levesett, og media si betydning for barnas kvardag. Barns ulike opplevingar frå heimemiljø, omgamgskrets og reiser gir også kunnskap om ulike samfunn.

Metode: Oppdage, bli kjent med, og utforske nærmiljøet. Metodiske opplegg som ”Tarkus” (trafikkopplæring), besøk av politi og politibamsen Eddy, ”Eldar og Vanja” (brannvern), besøk av brannmenn og brannbil, vere med på innkjøp i butikken eller ærend på rådhuset, bruke gymsal og sløydsal på skulen, turer i nærmiljø og natur, osv.

I barnehagen er dei eldste barna med på barnehageråd, barnesamtaler, planlegge emner, og lage sosiale regler i fellesskap.

ANTALL, ROM og FORM

Gjennom leik, kvardagsaktiviteter og eksperimentering utvikler barna sin matematiske kompetanse. Dei er på jakt etter samanhengar, utforsker rom og form, argumenterer, og er opptekne av tal og telling.

Barnehagen skal oppmuntre barns eigen utforsking, og legge til rette for tidleg og god stimulering på dette feltet.

Metode: Leik med tal og former, konstruksjonsleik (byggeleik), ulike matematiske spel og leikemateriell, formingsaktiviteter, oppgåver i førskuleklubben med begrep, former, tal, sortering, osv. Stimulere til å bruke språket som reiskap for logisk tenkning og til å oppdage samanhengar og rom / form i naturen.

BARNS MEDVERKNAD

Det er nedfelt i rammeplanen om barns rett til å gje uttrykk for sitt syn på barnehagens daglege verksemd. I planlegging og vurdering skal barnas synspunkt vektleggast i samsvar med barnets alder og modning.

Hos oss vert barna tekne med på råd og får uttale seg når vi skal planlegge aktiviteter, (eks. turdager, kjøkkengruppe, bursdagsfester) og dei får vere med på å lage felles reglar som trengs for at alle skal ha det bra i gruppa. Det skal også gjennomførast barnesamtaler. På denne måten får barna trene seg til å gje uttrykk for sine meiningar, lære å lytte til andre, og å finne løysingar saman.

OMSORG, LEIK og LÆRING

Omsorg, leik og læring er det sentrale for barna i barnehagen. Alle barn treng omsorg, og har rett til å få det. Omsorg er ei forutsetning for barns utvikling og læring, og den skal prege all samhandling i barnehagen. Den dominerande aktiviteten for barn i førskulealder, er leik. Barna leikar seg til voksenlivet, og all læring skjer gjennom leik. Den er ei grunnleggande livs- og lærings-form som barn kan uttrykke seg gjennom, eit fenomen der barn har høg kompetanse og engasjement. Leiken har eigenverdi, og den er ei vikltig side ved barnekulturen.

Barna skal få grunnleggande kunnskap på sentrale og aktuelle områder i barnehagen. Vi skal støtte barns nysgjerrigheit, kreativitet og vitebegjær, og gje utfordring med utgangspunkt i barnet sine interesser og utviklingsnivå.

SOSIALT SAMSPEL

Samhandling med andre mennesker utgjer ein vesentleg del av livet vårt. Dersom ein skal få eit godt liv, så er det grunnleggande å kunne fungere saman med andre mennesker. Det er sosiale regler, kunnskap / innsikt i andre sine behov, og evne til kunne sjå ting frå ein annan ståstad, som gjer oss kompetent til å samhandle konstruktivt med andre menneske. Dette kan vere vanskeleg for små barn, som i utgangspunktet er egosentriske, men dei skal utvikle seg til sosiale individ, og derfor er dette viktig basiskompetanse som barnehagen skal hjelpe barna til å utvikle.

Avdelingane på Daggry gjennomfører flest mogleg aktiviteter i mindre grupper, dvs 4-6 barn, då vi opplever at dette er gode situasjoner for barna. Det er slitsamt å vere i ei gruppe på 20 barn heile dagen, og det er vanskelegare for barn å ta i mot læring i stor gruppe enn i lita.

UT I NATUREN

” Naturen -den beste arena for læring”

Friluftsliv og bruk av natur og nærmiljøet, er noko som alle barn bør få oppleve.

Alle avdelinger på Daggry har eigne turdager, og vi prøver å gå nesten uansett ver.

I naturen får barna utforske og bruke sansane sine, dei får motoriske utfordringer gjennom fysisk aktivitet, og dei får utvikle kreativitet og fantasi i leik med naturmateriele.

Vi skal jobbe med det sosiale samspelet gjennom ulike aktiviteter og leikar, og vi skal bruke opplegget ”Språksprell”, og vere bevisste på å bruke språket saman med opplevingar, ved m.a. å setje ord på gjenstander og handlingar.

Vi skal sjå kva som skjer med naturen gjennom dei ulike årstidene, vi skal lære navn på utvalgte planter, tre og smådyr, lære om jord og vatn, om å ta vare på naturen, og vi skal samle naturmaterialer som skal brukast til formingsaktiviteter.

VAKSNE ROLLEMODELLER

Personalet i barnehagen er viktige rettleiarar og modeller i læringa for barn i førskulealder. Vi legg då vekt på å vere tydelege, ekte og trygge på oss sjølve, og vi vil ha positive haldningar og spreie glede og oppmuntring rundt oss.

Vi vil vere der for barna, lytte til dei, kommunisere, og prøve å ta barnets perspektiv.

Barna skal oppleve at dei vert tekne på alvor, og at vi har tid til dei. Viser også her til Barnesynet i vår barnehage, som vi jobber etter.

FØRSKULEKLUBBEN

På Aurora er det førskuleklubb for dei barna som går siste året før dei skal over i skulen. Annankvar torsdag har vi felles klubbsamling, der Marte og Kari-Lise har ansvar for språk og matematikk-aktiviteter spesielt. Den andre torsdagen har avdelingane turdag med pedagogisk opplegg. (Språksprell, leikar, aktiviteter og matlaging i naturen, m.m.)